മണ്ണാര്‍ക്കാട്: രാജ്യത്ത് എല്ലാ മേഖലകളിലും ശക്തമായ വര്‍ഗീയവല്‍കരണവും ജനങ്ങള്‍ക്കിടയില്‍ പരസ്പരം ശത്രുതയും വിദ്വോഷവും വളര്‍ന്ന്‌വന്ന് കോലപാതങ്ങളും അക്രമണങ്ങളും വര്‍ധിച്ച് വന്ന സാഹചര്യത്തില്‍ എസ്.കെ.എസ്.എസ്.എഫ് സംസ്ഥാന വ്യാപകമായി നടത്തുന്ന ദേശീയോദ്ഗ്രന്ഥ പ്രചാരണ ക്യാംപയ്‌നിന്റെ പാലക്കാട് ജില്ലാതല ഉദ്ഘാടനം 11ന് മണ്ണാര്‍ക്കാട് നടക്കും.
വിവിധ മതങ്ങളെ പ്രതിനിധീകരിച്ച് മതനേതാക്കന്‍മാര്‍ പങ്കെടുക്കുന്ന സെമിനാര്‍ നടക്കും. ഇതിന്റെ ഭാഗമായി ശാഖാ തലങ്ങളില്‍ വിവിധ മതവിഭാഗക്കാരെ ഉള്‍പ്പെടുത്തി നാട്ടുമുറ്റം രൂപീകരിക്കും. 15ന് എല്ലാ മേഖലകളിലും ഫ്രീഡം സ്‌ക്വയര്‍ സംഘടിപ്പിക്കും.
ഇത് സംബന്ധമായി ചേര്‍ന്ന യോഗത്തില്‍ ജില്ലാ പ്രസിഡന്റ് സയ്യിദ് ശിഹാബുദ്ദീന്‍ ജിഫ്‌രി തങ്ങള്‍ വല്ലപ്പുഴ അധ്യക്ഷനായി. പി.കെ. സൈദ് ഹുസൈന്‍ തങ്ങള്‍ കൊടക്കാട് ഉദ്ഘാടനം ചെയ്തു.
റഹീം ഫൈസി അക്കിപ്പാടം, ടി.കെ. സുബൈര്‍ മൗലവി പുല്ലിശ്ശേരി, അന്‍വര്‍ സ്വാദിഖ് ഫൈസി കാഞ്ഞിരപ്പുഴ, കുഞ്ഞിമുഹമ്മദ് ഫൈസി മോളൂര്‍, ഹിബത്തുള്ള മാസ്റ്റര്‍ മാരായമംഗലം, ബാബു മാസ്റ്റര്‍ കാട്ടുകുളം, ശമീര്‍ മാസ്റ്റര്‍ തെയ്യോട്ടുച്ചിറ, ശരീഫ് ദാരിമി, ശാഫി ഫൈസി കോല്‍പ്പാടം, ഉബൈദ് മാസ്റ്റര്‍, ഖാദര്‍ കാട്ടുകുളം, മുഹമ്മദലി ഫൈസി, ബഷീര്‍ മുസ്‌ലിയാര്‍, ഹിദായത്തുല്ല അന്‍വരി, റിയാസ് ആലത്തൂര്‍, റഫീഖ് ഉലൂമി, സലാം ഫൈസി നെല്ലായ, സജീര്‍ പാലക്കാട്, ജഅ്ഫര്‍ പാലക്കാട് സംബന്ധിച്ചു. ജന.സെക്രട്ടറി ശമീര്‍ ഫൈസി കോട്ടോപ്പാടം സ്വാഗതവും ട്രഷറര്‍ അസ്‌ക്കര്‍ അലി കരിമ്പ നന്ദിയും പറഞ്ഞു.