തേഞ്ഞിപ്പലം: എയര്‍പോര്‍ട്ട് അതോറിറ്റി ഓഫ് ഇന്ത്യയുടെ ഏഴാമത് ഇന്റര്‍ സോണല്‍ അത്‌ലറ്റിക് മീറ്റ് നാളെ കാലിക്കറ്റ് സര്‍വകലാശാല സി.എച്ച് മുഹമ്മദ് കോയ സ്റ്റേഡിയത്തില്‍ വെച്ച് നടത്തപ്പെടുമെന്ന് എയര്‍പോര്‍ട്ട് അതോറിറ്റി അധികൃതര്‍ വാര്‍ത്താ സമ്മേളനത്തില്‍ അറിയിച്ചു. മുപ്പത്തിരണ്ട് ഇനങ്ങളിലായി നൂറ്റി അന്‍പത് പേര്‍ കളിക്കളത്തില്‍ മാറ്റുരക്കും. വിവിധ സംസ്ഥാനങ്ങളില്‍ നിന്നായി ആറ് സോണുകളില്‍ നിന്നുള്ളവരാണ് മല്‍സരാര്‍ത്ഥികള്‍. അക്വാറ്റിക് മത്സരങ്ങള്‍ നടക്കാവ് അക്വാറ്റിക് കോംപ്ലക്‌സില്‍ നടത്തും. കഴിഞ്ഞ ആറ് തവണയും സൗത്ത് റീജിയനായിരുന്നു ജേതാക്കള്‍. എയര്‍പ്പോര്‍ട്ട് അതോറിറ്റി ഓഫ് ഇന്ത്യ റീജ്യനല്‍ എക്‌സിക്യൂട്ടീവ് ഡയരക്ടര്‍ ആര്‍ മാധവന്‍ മീറ്റ് ഉദ്ഘാടനം ചെയ്യും.