മനാമ: "വിശ്വശാന്തിക്ക് മത വിദ്യ" എന്ന പ്രമേയത്തിൽ ഈമാസം 27,28, 29 തിയ്യതികളിൽ കൊല്ലം ആശ്രമ മൈതാനിയിൽ നടക്കുന്ന സമസ്ത കേരള ജംഇയ്യത്തുൽ മുഅല്ലിമീൻ 60ാം വാർഷികസമ്മേളന പ്രചരണാര്‍ത്ഥം ബഹ്റൈന്‍ റെയിഞ്ച്ജംഇയ്യത്തുൽ മുഅല്ലിമീൻ സംഘടിപ്പിക്കുന്ന പ്രചരണ സമ്മേളനം വെള്ളിയാഴ്ച (ഡിസം.6ന്) വൈകിട്ട് 5.30 മുതല്‍ മനാമ പാക്കിസ്ഥാന്‍ ക്ലബ്ബില്‍ നടക്കുമെന്ന് ഭാരവാഹികള്‍ അറിയിച്ചു.

സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍ പ്രചരണ സമ്മേളനം ഉദ്ഘാടനം ചെയ്യും. ബഹ്റൈന്‍ റൈഞ്ചുകളിലെ മുഴുവന്‍ മദ്റസകളും പങ്കെടുക്കുന്ന ദഫ് പ്രദര്‍ശനം പരിപാടിയില്‍ ശ്രദ്ധേയമാകും. കൂടാതെ ബുര്‍ദ്ദ മജ് ലിസ്, അനുസ്മരണ പ്രഭാഷണം, അവാര്‍ഡ് ദാനം, മദ്റസാ വിദ്യാര്‍ത്ഥികള്‍ അവതരിപ്പിക്കുന്ന കലാവിരുന്ന് എന്നിവയും നടക്കും. സ്ത്രീകള്‍ക്കും പരിപാടി വീക്ഷിക്കാന‍ുള്ള പ്രത്യേക സൗകര്യമൊരുക്കിയിട്ടുണ്ട്. കൂടുതല്‍ വിവരങ്ങള്‍ക്ക് 00973-66911522