അരീക്കോട്: സംസ്ഥാന സര്‍ക്കാറിന്റെ സമ്പൂര്‍ണ വൈദ്യുതീകരണ പ്രവര്‍ത്തനങ്ങളില്‍ സജീവമായി മൂര്‍ക്കനാട് സുബുലുസ്സലാം ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റ്. ആദിവാസി കോളനിയില്‍ വൈദ്യുതി എത്തിക്കുകയാണ് വിദ്യാര്‍ത്ഥികളുടെ ലക്ഷ്യം. ഊര്‍ങ്ങാട്ടിരി  പഞ്ചായത്തിലെ പിന്നോക്ക ആദിവാസി മേഖലയായ മയിലാടി ആദിവാസി കോളനിയില്‍ എന്‍.എസ്.എസ് വളണ്ടിയര്‍മാര്‍ പ്രത്യേക സര്‍വേനടത്തിയിരുന്നു.
വൈദ്യുതി ലഭിക്കാതെ പ്രയാസം നേരിടുന്ന കോളനി നിവാസികളുടെ പ്രശ്‌നങ്ങള്‍ വിദ്യാര്‍ഥികള്‍ പഠന വിധേയമാക്കുകയും ചെയ്തു. പഠന റിപ്പോര്‍ട്ടിന്റെ അടിസ്ഥാനത്തില്‍ എന്‍.എസ്.എസ് യൂനിറ്റ് വീടുകളില്‍ നിന്നും വിവരശേഖരണം നടത്തി. അപേക്ഷാ ഫോമുകള്‍ പൂരിപ്പിച്ച് ഊര്‍ങ്ങാട്ടിരി പഞ്ചായത്ത് പ്രസിഡന്റ് എന്‍.കെ ഷൗക്കത്തലിയെ ഏല്‍പ്പിച്ചു.
സീനിയര്‍ എന്‍.എസ്.എസ് വളണ്ടിയര്‍മാരായ ഫെമി റസ്മിന്‍, ഫൈറൂസ, മുഹമ്മദ് സബില്‍, ഹൃദ്യ, നസ്‌ല, മുഹ്‌സിന്‍, ദാനിഷ് നേതൃത്വം നല്‍കി. പഞ്ചായത്ത് അംഗം കെ. ഗീത, പ്രിന്‍സിപ്പല്‍ കെ. അബ്ദുറസാഖ്, എം.കെ അബ്ദുല്‍ അസീസ്, എം. അഹമ്മദ് സവാദ്, ടി. അബ്ദു റഹൂഫ്, പ്രോഗ്രാം ഓഫീസര്‍ എം. കൃഷ്ണനുണ്ണി സംബന്ധിച്ചു.