കോഴിക്കോട്: ഹയര്‍ സെക്കന്‍ഡറി ദിനാചരണത്തിന്റെ ഭാഗമായി കെ.എച്ച്.എസ്.ടി.യു ജില്ലാ കമ്മിറ്റിയുടെ ആഭിമുഖ്യത്തില്‍ ഹയര്‍ സെക്കന്‍ഡറി സംരക്ഷണ സദസ് സംഘടിപ്പിച്ചു. പുതിയ ബസ്സ്റ്റാന്‍ഡ് പരിസരത്ത് നടന്ന പരിപാടി സംസ്ഥാന പ്രസിഡന്റ് നിസാര്‍ ചേലേരി ഉദ്ഘാടനം ചെയ്തു. അന്‍വര്‍ അടുക്കത്ത് അധ്യക്ഷനായി.
മുന്‍ സംസ്ഥാന പ്രസിഡന്റ് കെ.ടി അബ്ദുല്‍ ലത്തീഫ് മുഖ്യപ്രഭാഷണം നടത്തി.
ഹയര്‍ സെക്കന്‍ഡറിയെ ദുര്‍ബലപ്പെടുത്താനുള്ള നീക്കത്തില്‍നിന്ന് സര്‍ക്കാര്‍ പിന്മാറണമെന്ന് അദ്ദേഹം ആവശ്യപ്പെട്ടു. സംസ്ഥാന ഭാരവാഹികളായ എസ്. സന്തോഷ്‌കുമാര്‍, പി.എ ഗഫൂര്‍, പി.കെ അബ്ദുറഹ്മാന്‍, കെ. ജമാല്‍, കെ.സി അബ്ദുസ്സമദ്, ഷമീം അഹമ്മദ്, വി. ഫൈസല്‍, അസീസ് നരിക്കലക്കണ്ടി, കെ.കെ ആലിക്കുട്ടി, കെ.കെ നവാസ്, സലാം കല്ലായി സംസാരിച്ചു.