തിരുവനന്തപുരം: സബ് ട്രഷറിയില്‍ പെന്‍ഷന്‍ വിതരണം തടസപ്പെട്ടതില്‍ പ്രതിഷേധിച്ച് പെന്‍ഷന്‍കാര്‍ റോഡ് ഉപരോധിച്ചു. ഇന്നലെ കിഴക്കേക്കോട്ട കോട്ടയ്ക്കകം പെന്‍ഷന്‍ സബ് ട്രഷറിയിലാണ് സംഭവം. കംപ്യൂട്ടര്‍ തകരാര്‍ കാരണമാണ് വിതരണം മുടങ്ങിയത്. രാവിലെ മുതല്‍ ക്യൂ നില്‍ക്കുകയായിരുന്ന പെന്‍ഷന്‍കാര്‍ സമയം ഏറെ കഴിഞ്ഞിട്ടും പെന്‍ഷന്‍ വിതരണം ആരംഭിക്കാത്തതിനെ തുടര്‍ന്ന് റോഡ് ഉപരോധിക്കുകയായിരുന്നു. സംഭവം അറിഞ്ഞ് പൊിസ് സ്ഥലത്തെത്തി. എസ്‌ഐയുടെ സാന്നിധ്യത്തില്‍ പെന്‍ഷന്‍കാരും അധികൃതരുമായി ചര്‍ച്ച നടത്തി. തകരാര്‍ പരിഹരിച്ച് ഉടന്‍ പെന്‍ഷന്‍ വിതരണം നടത്താമെന്നുള്ള ഉറപ്പിന്റെ അടിസ്ഥാനത്തി ഉപരോധം പിന്‍വലിച്ചു. ഉച്ചക്ക് 2.30ന് പെന്‍ഷന്‍ വിതരണം ആരംഭിച്ചു.