നിലമ്പൂര്‍: പതിനഞ്ചോളം മോഷണക്കേസിലെ പ്രതിയെ കഞ്ചാവുമായി നിലമ്പൂര്‍ പൊലിസ് അറസ്റ്റു ചെയ്തു. മമ്പാട് തോട്ടിന്റക്കരയിലെ കളംകുന്ന് കൊന്നക്കോടന്‍ അസ്‌കറലി(നാണി-42)യെയാണ് നിലമ്പൂര്‍ സി.ഐ. കെ.എം.ബിജുവിന്റെ നേതൃത്വത്തിലുള്ള പൊലിസ് അറസ്റ്റ് ചെയ്തത്.
നാട്ടുകാര്‍ നല്‍കിയ വിവരത്തിന്റെ അടിസ്ഥാനത്തില്‍ ബുധനാഴ്ച രാത്രി നിലമ്പൂര്‍ കോവിലകത്തുമുറി തീക്കടിയില്‍ നിന്ന് നിലമ്പൂര്‍ സി.ഐ കെ.എം ബിജു ഇയാളെ കസ്റ്റഡിയിലെടുക്കുകയായിരുന്നു. വില്‍പ്പനക്കുള്ള 1850 ഗ്രാം കഞ്ചാവും ഇയാളില്‍ നിന്ന് പിടിച്ചെടുത്തിട്ടുണ്ട്.
എസ്.ഐ കെ.അഷ്‌റഫ്, എ.എസ്.ഐ പി.ശശികുമാര്‍, കെ. ഗിരീഷ്, പി.എം ഫിറോസ് എന്നിവര്‍ ചേര്‍ന്ന് പിടികൂടിയ പ്രതിയെ കോടതിയില്‍ ഹാജരാക്കി.