പുളിക്കല്‍:  അരൂരിലെ ക്രഷര്‍ എം സാന്റ് യൂനിറ്റിനെതിരെയുള്ള സമരത്തില്‍ പൊലിസ്  ലാത്തിവീശിയതില്‍ സ്ത്രീകളും കുട്ടികളുമുള്‍പ്പെടെയുള്ളവര്‍ക്ക്  മര്‍ദനമേറ്റ സംഭവത്തില്‍ പുളിക്കല്‍ മേഖല എസ്.കെ.എസ്.എസ്.എഫ് കമ്മിറ്റി  അപലപിച്ചു.
സംഭവം ന്യായീകരിക്കാനുള്ള ബന്ധപ്പെട്ടവരുടെ ശ്രമം  വിലപോകില്ലെന്നും കുറ്റക്കാര്‍ക്കെതിരെ നടപടി എടുക്കണമെന്നും  എസ്.കെ.എസ്.എസ്.എഫ് ആവശ്യപ്പെട്ടു. കലാം പുതിയേടത്ത്പറമ്പ്  അധ്യക്ഷനായി. ജാഫര്‍ പേങ്ങാട്, ജംഷീര്‍ ആല്‍പ്പറമ്പ്, സൈനുദ്ദീന്‍ ഒളവട്ടൂര്‍, സലാം  ആലുങ്ങല്‍, ജാഫര്‍ ദാരിമി തോണിക്കല്ല്പാറ, ഹമീദ് പുത്തൂപ്പാടം സംസാരിച്ചു.
സി.ഐ ഓഫീസ് മാര്‍ച്ച് നടത്തി
കൊണ്ടോട്ടി: പുളിക്കല്‍ അരൂരിലെ ക്രഷര്‍ യൂനിറ്റിനെതിരെ സമരം നടത്തിയവര്‍ക്കെതിരെ പൊലിസ് ലാത്തിച്ചാര്‍ജ് നടത്തിയതില്‍ പ്രതിഷേധിച്ച്  എസ്.ഡി.പി.ഐ സി.ഐ ഓഫീസ് മാര്‍ച്ച് നടത്തി. മണ്ഡലം പ്രസിഡന്റ് അഷ്‌റഫ് ഒളവട്ടൂര്‍ ഉദ്ഘാടനം ചെയ്തു. മുനിസിപ്പല്‍ കൗണ്‍സിലര്‍ ഹക്കീം മുണ്ടപ്പലം, ഫൈസല്‍ ആനപ്ര, എം.എ അബ്ദുല്‍ ഖാദര്‍, ബാവ തൈതോടം, പി.ഇബ്രാഹീം നേതൃത്വം നല്‍കി.