മങ്കട: കൂട്ടില്‍ സ്വദേശി കുന്നശ്ശേരി നസീര്‍ ഹുസൈന്‍ കൊല്ലപ്പെട്ട സംഭവത്തത്തുടര്‍ന്ന് പ്രദേശത്ത് അനിഷ്ട സംഭവങ്ങള്‍ ഒഴിവാക്കാന്‍ സമാധാനം പുന:സ്ഥാപിക്കാനും പെരിന്തല്‍മണ്ണ സി.ഐ സാജു എബ്രഹാം, മങ്കട എസ്.ഐ  എ.എച്ച് സഫീര്‍ എന്നിവരുടെ നേതൃത്വത്തില്‍ പൊലിസ് സ്‌റ്റേഷനില്‍ വിളിച്ചു ചേര്‍ത്ത സര്‍വകക്ഷി യോഗത്തില്‍ ധാരണയായി.
മുഴുവന്‍ രാഷ്ട്രീയ പാര്‍ട്ടി പ്രതിനിധികളും കൂട്ടില്‍ മഹല്ല് കമ്മിറ്റി അംഗങ്ങളും യോഗത്തില്‍ സംബന്ധിച്ചു. സംഭവത്തെ ഒരിക്കലും ന്യായീകരിക്കാനാവില്ലെന്നും നീതിയുക്തമായ അന്വേഷണം നടത്തണമെന്നും പ്രതിനിധികള്‍ യോഗത്തെ ധരിപ്പിച്ചു. അഡ്വ.ടി കുഞ്ഞാലി, എം.എ മോഹന്‍ദാസ്, അഡ്വ. കെ. അസ്ഗര്‍ അലി, പി ജമാലുദ്ദീന്‍, മാമ്പള്ളി ഫൈസല്‍,  ടി. കുഞ്ഞി മുഹമ്മദ്, ആരിഫ് കൂട്ടില്‍, പി.ടി അബ്ദുറഹ്മാന്‍, പി. ഖാലിദ്,  പി. വീരാന്‍ കുട്ടി സംബന്ധിച്ചു.