മലപ്പുറം:  മുത്തൂറ്റ് ഫിനാന്‍സില്‍ സംഘടന രൂപീകരിച്ച് അംഗത്വമെടുത്ത്  പ്രവര്‍ത്തിച്ചതിന്റെ പേരില്‍ ജീവനക്കാരെ ഇതരസംസ്ഥാനങ്ങളിലെ  വിദൂരസ്ഥലങ്ങളിലേക്ക് സ്ഥലം മാറ്റിയ മാനേജ്‌മെന്റിന്റെ പ്രതികാര  നടപടിയില്‍ പ്രതിഷേധിച്ചുകൊണ്ട് പ്രൈവറ്റ് ചിറ്റ്‌സ് ആന്റ് ഫിനാന്‍സ്  എംപ്ലോയീസ് യൂണിയന്‍(സിഐടിയു)ന്റെ നേതൃത്വത്തില്‍ ജില്ലയില്‍ സൂചനാ  പണിമുടക്കം നടത്തി. വിദ്യാഭ്യാസ യോഗ്യതക്കും ജീവനക്കാര്‍ നിര്‍വ്വഹിക്കുന്ന  ഉത്തരവാദിത്തത്തിന്നും അനുസൃതമല്ലാത്ത തുച്ഛമായ ശമ്പളത്തിന് ജോലി ചെയ്യുന്ന  125ഓളം പേരെയാണ് വിദൂര സ്ഥലങ്ങളിലേക്ക് സ്ഥലം മാറ്റിയത്. തുടര്‍ന്ന്  മലപ്പുറം ശാഖക്ക് മുന്നില്‍ ചേര്‍ന്ന പ്രതിഷേധ യോഗത്തില്‍ സി.ഐ.ടി.യു ജില്ലാ ജനറല്‍  സെക്രട്ടറി ജോര്‍ജ്.കെ.ആന്റണി, സുധാമന്‍, എ.കെ വേലായുധന്‍   സംസാരിച്ചു.