മാഡ്രിഡ്: മാഞ്ചസ്റ്റര്‍ സിറ്റിയുടെ സ്പാനിഷ് താരം ജീസസ് നവാസ് സെവിയ്യയില്‍ തിരിച്ചെത്തി. നാലുവര്‍ഷത്തെ കരാറിലാണ് താരത്തെ ക്ലബ് സ്വന്തമാക്കിയത്. നേരത്തെ കഴിഞ്ഞ സീസണിന്റെ അവസാനം താരത്തിന് ക്ലബ് വിടാമെന്ന് സിറ്റി വ്യക്തമാക്കിയിരുന്നു.
15ാം വയസുമുതല്‍ സെവിയ്യ കളിച്ച താരമാണ് നവാസ്. രണ്ടു യുവേഫ കപ്പുകളും രണ്ടു കോപ്പ ഡെല്‍റേ കപ്പുകളും താരം ക്ലബിന് നേടിക്കൊടുത്തിരുന്നു. 2013ലാണ് നവാസ് സിറ്റിയിലേക്ക് ചുവടുമാറ്റിയത്. ക്ലബിനായി 183 മത്സരങ്ങള്‍ കളിച്ചു. ഒരു പ്രീമിയര്‍ ലീഗ് കിരീടവും രണ്ടും ഇംഗ്ലീഷ് ലീഗ് കപ്പുകളും ക്ലബിന് നേടിക്കൊടുക്കുന്നതില്‍ നിര്‍ണായക പങ്കുവഹിക്കാന്‍ താരത്തിന് സാധിച്ചു.