നെടുമ്പാശ്ശേരി: അന്താരാഷ്ട്ര വിമാനത്താവളത്തില്‍ നിന്ന് ദമാമിലേക്ക് പുറപ്പെടേണ്ട ജെറ്റ് എയര്‍വേയ്‌സ് വിമാനം നാല് മണിക്കൂറോളം വൈകിയത് യാത്രക്കാരെ വലച്ചു. വിമാനം വൈകുമെന്ന മുന്നറിയിപ്പ് നല്‍കാതിരുന്നത് യാത്രക്കാരെയും ഇവരെ യാത്രയയക്കാനെത്തിയ ബന്ധുക്കളെയുംപ്രകോപിപ്പിച്ചു. ദമാമില്‍ നിന്ന് എത്താന്‍ വൈകിയതിനെ തുടര്‍ന്ന് ഇന്നലെ രാവിലെ 11.20 ന് നെടുമ്പാശ്ശേരിയില്‍ നിന്ന് തിരിച്ചു പുറപ്പെടേണ്ട വിമാനം വൈകിട്ട് മൂന്നരയോടെയാണ് യാത്രയായത്. വിമാനംവൈകുന്നതിന്റെ ഔദ്യോഗിക വിശദീകരണം ഏറെ നേരം അന്വേഷിച്ചിട്ടും ലഭ്യമായിരുന്നില്ല.