കോഴിക്കോട്: സുപ്രഭാതം നാലാം വാര്‍ഷിക കാംപയിന്‍ പ്രവര്‍ത്തനങ്ങള്‍ സംസ്ഥാനത്തെ 421 മദ്‌റസാ റെയ്ഞ്ചുകളില്‍ ആരംഭിച്ചു. മലപ്പുറം ജില്ലയിലെ ചുങ്കത്തറയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. വിവിധ റെയ്ഞ്ചുകളില്‍ പ്രമുഖ വ്യക്തികള്‍ ഉദ്ഘാടനം നിര്‍വഹിച്ചു. മദ്‌റസാതല കണ്‍വന്‍ഷന്‍ ഇന്ന് നടക്കും. ഓഗസ്റ്റ് നാല്, അഞ്ച്, ആറ് തിയതികളില്‍ വീടുകളും സ്ഥാപനങ്ങളും സന്ദര്‍ശിച്ച് വരിക്കാരെ ചേര്‍ക്കും. ഓഗസ്റ്റ് ഒന്‍പതിന് ലിസ്റ്റും തുകയും റെയ്ഞ്ച് ഭാരവാഹികള്‍ ഏറ്റുവാങ്ങും. റെയ്ഞ്ച്തല ലിസ്റ്റും തുകയും ഓഗസ്റ്റ് 10ന് മേഖലാ കോ ഓര്‍ഡിനേറ്റര്‍മാര്‍ ഏറ്റുവാങ്ങി ഓഗസ്റ്റ് 11ന് സുപ്രഭാതം ഓഫിസില്‍ ഏല്‍പ്പിക്കും. ഇതോടെ ഒന്നാം ഘട്ടം സമാപിക്കും. രണ്ടാം ഘട്ട പ്രവര്‍ത്തനം ഓഗസ്റ്റ് 11ന് ആരംഭിച്ച് 20ന് സമാപിക്കും.
സംസ്ഥാനതലത്തില്‍ ഏറ്റവും കൂടുതല്‍ വരിക്കാരെ ചേര്‍ക്കുന്ന റെയ്ഞ്ച് ഭാരവാഹിക്ക് 'യലംലം' ഹജ്ജ് ഉംറ ഗ്രൂപ്പിന്റെ ഉംറ പാക്കേജ് സമ്മാനമായി ലഭിക്കും.