ചെറുതുരുത്തി: കേരള കലാമണ്ഡലം കല്‍പ്പിത സര്‍വകലാശാലയില്‍ ഈ വര്‍ഷത്തെ സംസ്‌കൃത ദിനാഘോഷത്തോടനുബന്ധിച്ച്  നാട്യശാസ്ത്രത്തിലെ രസ സിദ്ധാന്തത്തെ കുറിച്ച് അഞ്ചുദിവസ ം നീണ്ടു  നില്‍ക്കുന്ന പ്രഭാഷണ പരമ്പരക്ക് തുടക്കം. ഈ മാസം 12 വരെ നീണ്ട് നില്‍ക്കുന്ന പരമ്പര കൂത്തമ്പലത്തില്‍ വെച്ചാണ് നടക്കുക. രസസിദ്ധാന്തം അഭിനവ ഗുപ്തന്റെ ദര്‍ശനം എന്ന വിഷയത്തിലുള്ള  ക്ലാസോടു കൂടിയാണ് പ്രഭാഷണ പരമ്പര ആരംഭിച്ചത്. ഇനിയുള്ള ദിവസങ്ങളില്‍ എ.പി ശ്രീദേവി,  ഡോ. പി.വി രാമന്‍കുട്ടി, രജിസ്ട്രാര്‍ ഡോ. കെ.കെ സുന്ദരേശന്‍, അക്കാദമിക് ഡയറക്ടര്‍ സി.എം നീലകണ്ഠന്‍ എന്നിവര്‍ പ്രഭാഷണത്തിന് നേതൃത്വം നല്‍കും. ഓഗസ്റ്റ് 19 നാണ് കലാമണ്ഡലത്തില്‍ സംസ്‌കൃത ദിനാഘോഷം.
വിദ്യാര്‍ഥികള്‍ അവതരിപ്പിക്കുന്ന സംസ്‌കൃത നാടകം വടക്കന്‍ കേരളത്തില്‍ നടന്ന് വരുന്ന പാണ്ഡിത്യ കലയായ മറത്തുകളി അവതരണം, ഡോ. പി.വി നാരായണന്റെ പ്രഭാഷണം, രാമായണ ക്വിസ് എന്നിവയും നടക്കുമെന്ന് അക്കാദമിക് ഡയറക്ടര്‍ ഡോ. സി.എം നീലകണ്ഠന്‍ അറിയിച്ചു.