പൂനെ: പശുവിനെ വളര്‍ത്തിയാല്‍ കുറ്റവാസന കുറയുമെന്ന വിദഗ്‌ധോപദേശുമായി ആര്‍.എസ്.എസ് നേതാവ് മോഹന്‍ ഭഗവത്. ജയിലില്‍ പശുവിനെ വളര്‍ത്താനും അത് വഴി അവരുടെ കുറ്റവാസനകുറക്കാമെന്നുമാണ് ഭഗവത് പറയുന്നത്. പശുശാസ്ത്രവുമായി ബന്ധപ്പെട്ട ഒരു പുരസ്‌ക്കാര ചടങ്ങില്‍ സംസാരിക്കുകയായിരുന്നു അദ്ദേഹം.

'പശു ലോകമാതാവാണ്. അത് മണ്ണിനെ ഫലഭൂയിഷ്ടമാക്കുന്നു. ജീവീജാലങ്ങള്‍ക്ക് പോഷകം നല്‍കുന്നു. മനുഷ്യര്‍ക്കും പോഷകം നല്‍കുന്നു. രോഗങ്ങളെ ചെറുക്കുന്നു. ഇങ്ങനെ മനുഷ്യഹൃദയത്തെ പൂപോലെ നിര്‍മലമാക്കുന്നു'- ഭഗവത് പറഞ്ഞു.

ജയിലുകളില്‍ ഗോശാലകള്‍ നിര്‍മിക്കുകയും തടവുകാര്‍ അതിനെ പരിപാലിക്കുകയും ചെയ്യുമ്പോള്‍ അവരുടെ കുറ്റവാസനയുള്ള മനസ്സുകള്‍ നന്നാവുന്നതച് കാണാം. ജയില്‍ അധികൃര്‍ പങ്കവെച്ച അനുഭവത്തില്‍ നിന്നാണ് താനിത് പറയുന്നതെന്നും അദ്ദേഹം കൂട്ടിച്ചേര്‍ത്തു.