കയ്പമംഗലം: ചാമക്കാല ഗവ. മാപ്പിള ഹയര്‍ സെക്കന്‍ഡറി സ്‌കൂളില്‍ പൂര്‍വവിദ്യാര്‍ഥി സംഗമത്തോടനുബന്ധിച്ചുള്ള സാംസ്‌കാരിക സമ്മേളനം ഇ.ടി ടൈസണ്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു. സംഘാടക സമിതി ചെയര്‍മാന്‍ കെ.കെ അഫ്‌സല്‍ ചടങ്ങില്‍ അധ്യക്ഷനായി. മുന്‍ എം.എല്‍.എ ടി.എന്‍ പ്രതാപന്‍, നടി കവിയൂര്‍ പൊന്നമ്മ, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, പി.ടി.എ പ്രസിഡന്റ് പി.കെ ഹംസ, വി.കെ സ്മിത, പി.ബി അബ്ദുല്‍ജബ്ബാര്‍, ഷെറീന ഹംസ, പി.എ അബ്ദുല്‍ ജലീല്‍, പി.നന്ദകുമാര്‍, തുടങ്ങിയവരും സംസാരിച്ചു. തുടര്‍ന്ന് നടന്ന ഗുരുവവന്ദനം ജില്ലാ പഞ്ചായത്ത് പ്രസിഡന്റ് ഷീലാ വിജയകുമാര്‍ ഉദ്ഘാടനം ചെയ്തു. പി.ബി അബ്ദുള്‍ ജബ്ബാര്‍ ചാരിറ്റി പ്രഖ്യാപനം നടത്തി. മുന്‍ പി.ടി.എ പ്രസിഡന്റുമാരായ എം.കെ ഹസ്സനലി ഹാജി, പി.എം അബ്ദുഹാജി എന്നിവരെ ചടങ്ങില്‍ ആദരിച്ചു. തുടര്‍ന്ന് വിവിധ കലാപരിപാടികളും അരങ്ങേറി.