കാസര്‍കോട്: ദേശീയ കൈത്തറി ദിനത്തോടനുബന്ധിച്ച്  കേന്ദ്ര ഫീല്‍ഡ് പബ്ലിസിറ്റി ഡയറക്ടറേറ്റിന്റെ  നേതൃത്വത്തില്‍ ജില്ലയിലെ വിവിധ നെയ്ത്ത് സഹകരണ സംഘങ്ങളില്‍ ദീര്‍ഘകാലമായി പ്രവര്‍ത്തിച്ചുവരുന്ന മുതിര്‍ന്ന നെയ്ത്തുകാരെ ആദരിക്കും.
ഈ മാസം അഞ്ചിനു പെരിയയിലെ കേരള കേന്ദ്രസര്‍വകലാശാല ആസ്ഥാനത്തെ  സെമിനാര്‍ ഹാളില്‍  രാവിലെ 10നു വൈസ് ചാന്‍സലര്‍ ഡോ.  ജി.ഗോപകുമാര്‍ ഉദ്ഘാടനം ചെയ്യും. കേന്ദ്രസര്‍വകലാശാലയുടെ   നാഷണല്‍ സര്‍വിസ് സ്‌കീം സെല്ലിന്റെ  സഹകരണത്തോടെയാണു പരിപാടി സംഘടിപ്പിക്കുന്നത്.
    'കൈത്തറി മേഖലയും ഭാരതീയ സംസ്‌കാരവും' എന്ന വിഷയത്തില്‍ കണ്ണൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്‌ലൂം ടെക്‌നോളജി എക്‌സിക്യുട്ടിവ്  ഡയറക്ടര്‍  കെ. ചന്ദ്രന്‍ മുഖ്യപ്രഭാഷണം നടത്തും.
സോംഗ് ആന്റ് ഡ്രാമ ഡിവിഷനിലെ  കലാകാരന്മാര്‍ യക്ഷഗാനം  അവതരിപ്പിക്കും.