തിരുവനന്തപുരം: പുതുതലമുറയ്ക്ക് അനുയോജ്യമായ ജോലി കണ്ടെത്തുന്നതിന് സുവര്‍ണാവസരമൊരുക്കി സുപ്രഭാതം- നിംസ് കരിയര്‍ ഗൈഡന്‍സ് പ്രോഗ്രാം.
തൊഴിലന്വേഷകര്‍ക്കാവശ്യമായ ഉപദേശങ്ങളും തൊഴില്‍ദാതാക്കള്‍ക്കാവശ്യമായ ഉദ്യോഗാര്‍ഥികളെയും ലഭ്യമാക്കുകയെന്നതാണ് പരിപാടിയുടെ ലക്ഷ്യം.
നെയ്യാറ്റിന്‍കര നിംസ് മെഡിസിറ്റിയുടെ സംരംഭമായ നിംസ് ഹര്‍ഗോവിന്ദ് ഖൊരാനാ ബയോടെക്‌നോളജി ഫിനിഷിങ് സ്‌കൂള്‍ രാജ്യത്തെ പ്രമുഖരായ തൊഴില്‍ദാതാക്കളെ കണ്ടെത്തി സംഘടിപ്പിക്കുന്ന ജോബ് ഓറിയന്റേഷന്‍ ആന്‍ഡ് പ്ലെയ്‌സ്‌മെന്റ് അസിസ്റ്റന്‍സ് പ്രോഗ്രാം നിറമണ്‍കര എച്ച്.എച്ച്.എം.എസ്.പി.ബി എന്‍.എസ്.എസ് കോളജില്‍ നടന്നു. 200 ഓളം വിദ്യാര്‍ഥികള്‍ പങ്കെടുത്തു. കോളജിലെ ഹോംസയന്‍സ് ഡിപ്പാര്‍ട്ട്‌മെന്റുമായി സഹകരിച്ചാണ് വിദഗ്ദപരിശീലന പരിപാടി സംഘടിപ്പിച്ചത്. നിറമണ്‍കര എച്ച്.എച്ച്.എം.എസ്.പി.ബി എന്‍.എസ്.എസ് കോളജ് പ്രിന്‍സിപ്പല്‍ ഡോ. പി. അമ്പിളിക്കുട്ടിഅമ്മ ഉദ്ഘാടനം ചെയ്തു. സുപ്രഭാതം എക്‌സിക്യൂട്ടീവ് എഡിറ്റര്‍ എ. സജീവന്‍ സംസാരിച്ചു. 'പ്ലൈസ്‌മെന്റ് അസിസ്റ്റന്‍സ് ഫോര്‍ ലൈഫ് സയന്‍സ് ജോബ് ആസ്പിറന്‍സ് ' എന്ന വിഷയത്തില്‍ ഗുര്‍ദീപ് കൗര്‍ ക്ലാസെടുത്തു. കോളജ് അസിസ്റ്റന്റ് പ്രൊഫ. ഗായത്രി സ്വാഗതവും കാര്‍ത്തിക.ബി നന്ദിയും പറഞ്ഞു. തൊഴില്‍ദാതാക്കളുടെ ആവശ്യാനുസരണം വിവിധ ജോലികള്‍ക്കനുയോജ്യമായ ഉദ്യോഗാര്‍ഥികളെ കണ്ടെത്തി അവരെ ആ ജോലിക്ക് തയാറാക്കുന്ന പ്രക്രിയയാണ് ജോബ് ഓറിയന്റേഷന്‍ ആന്‍ഡ് പ്ലെയ്‌സ്‌മെന്റ് പ്രോഗ്രാം. ഓറിയന്റേഷന്‍ പ്രോഗ്രാമിലൂടെ തിരഞ്ഞെടുത്ത ഉദ്യോഗാര്‍ഥികള്‍ക്ക് പരിശീലനം നല്‍കി അനുയോജ്യമായ ജോലി നേടിക്കൊടുക്കുവാനും പ്രോഗ്രാം സഹായിക്കുന്നു. ദിനേ നെയ്യാറ്റിന്‍കരയിലെ നിംസ് ആസ്ഥാനത്ത് നടക്കുന്ന സൗജന്യ ജോബ് ഓറിയന്റേഷന്‍ പ്രോഗ്രാമില്‍ തൊഴിലന്വേഷകര്‍ക്ക് മുന്‍കൂര്‍ ബുക്കിങോട് കൂടി പങ്കെടുക്കാം. ദിവസവും രാവിലെ 10.30 മുതല്‍ 12.30 വരെയാണ് ഓറിയന്റേഷന്‍ നടക്കുക. കൂടുതല്‍ വിവരങ്ങള്‍ക്ക്: 8943473424.