വാടാനപ്പള്ളി: ഇരുപത്തിനാലുകാരിയെ പീഡിപ്പിച്ച കേസില്‍ മധ്യ വയസ്‌ക്കനെ പൊലിസ് അറസ്റ്റ് ചെയ്തു. കണ്ടശ്ശാംകടവ് സ്വദേശി കരുതികുളങ്ങര വീട്ടില്‍ ജോയി (49) യെയാണ് വലപ്പാട് സി.ഐയുടെ നേതൃത്വത്തിലുള്ള പൊലിസ് അറസ്റ്റ് ചെയ്തത്. കഴിഞ്ഞ മാസം 26നാണ് വാടാനപ്പള്ളി ടിപ്പു നഗറിനു സമീപം താമസിക്കുന്ന യുവതി പീഡനത്തിനിരായായതായി കഴിഞ്ഞ ദിവസം വാടാനപ്പള്ളി പൊലിസില്‍ പരാതി ലഭിക്കുന്നത്. യുവതിയെ പീഡനത്തിനു പ്രേരിപ്പിച്ചതായും ഇതിനു സഹായം ചെയ്തു കൊടുക്കുകയും ചെയ്ത നാലു സ്ത്രീകള്‍ക്കെതിരേയും യുവതി പൊലിസിനു മൊഴി നല്‍കി. ഇതേ കുറിച്ച് അനേഷണം നടത്തി വരുന്നതായും പൊലിസ് പറഞ്ഞു. ജോയിയെ ചാവക്കാട് കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.