ബാലരാമപുരം: ഗ്രീന്‍ ഡോം പബ്ലിക് സ്‌കൂള്‍ വിദ്യാര്‍ഥികള്‍ക്ക് വേണ്ടി സംഘടിപ്പിക്കപ്പെട്ട മരം കയറല്‍ പരിശീലനം കുട്ടികള്‍ക്ക് നവ്യാനുഭവമായി.
കാടും മരവും നശിപ്പിക്കപ്പെടുന്ന സമയത്ത് മരത്തൈകള്‍ നട്ടുപിടിപ്പിക്കുന്നതിന്റെ ആവശ്യകതയും വിദ്യാര്‍ഥികളെ പരിശീലനത്തിലൂടെ ബോധ്യപ്പെടുത്തി. കുരുന്നു പ്രായത്തിലെ വിദ്യാര്‍ഥികള്‍ക്ക് മരം കയറാന്‍ പഠിപ്പിക്കുക എന്ന ഉദ്ദേശ്യത്തോടെയാണ് സ്‌കൂള്‍ ഇത്തരം ശില്‍പശാലക്കു കളമൊരുക്കിയത്.
സ്‌കൂള്‍ മാനേജ്‌മെന്റ് കമ്മിറ്റി കണ്‍വീനര്‍ ഷക്കീര്‍ വാണിമേല്‍ പരിശീലന പരിപാടി ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പാള്‍ നസീര്‍ ഗസാലി, അധ്യാപകരായ ശ്രീലക്ഷ്മി, വീണ, രേഷ്മ നേതൃത്വം നല്‍കി.