പേരാല്‍: പൊതു തെരഞ്ഞെടുപ്പ് മാതൃകയില്‍ നടത്തിയ തെരഞ്ഞെടുപ്പ് കുട്ടികള്‍ക്ക് അനുഭവമായി. പേരാല്‍ ഗവ.എല്‍.പി സ്‌കൂളില്‍ 2016-17 അധ്യയന വര്‍ഷത്തിലെ ലീഡര്‍ തെരഞ്ഞെടുപ്പാണ് ജനാധിപത്യ രീതിയില്‍ നടത്തിയത്.
 കുട്ടികളില്‍ നിന്ന് നാമനിര്‍ദേശ പത്രിക സ്വീകരിച്ചു. പിന്നീട് സ്ഥാനാര്‍ഥികള്‍ സമ്മതിദായകരെ നേരില്‍കണ്ട് വോട്ടഭ്യര്‍ഥന നടത്തി. രഹസ്യ ബാലറ്റ് സമ്പ്രദായത്തിലൂടെ കുട്ടിവോട്ടര്‍മാര്‍ തങ്ങളുടെ സമ്മതിദാനാവകാശം വിനിയോഗിച്ചു.
റിട്ടേണിങ് ഓഫിസര്‍ ഇടതു ചൂണ്ടുവിരലില്‍ മഷിയടയാളം രേഖപ്പെടുത്തുകയും ചെയ്തു. ഫാത്തിമ അത്തൂഫ സ്‌കൂള്‍ ലീഡറായും മുഹമ്മദ് നിഷാദ് ഡെപ്യൂട്ടി ലീഡറായും തെരഞ്ഞെടുക്കപ്പെട്ടു.
സ്‌കൂള്‍ ഹെഡ്മാസ്റ്റര്‍ പി.ജെ മാത്യു, സി.കെ സന്ധ്യ, കെ.കെ നൂര്‍ജഹാന്‍, ഗായത്രി തെരഞ്ഞെടുപ്പ് ഉദ്യോഗസ്ഥരുടെ വേഷമിട്ടു.