തലശ്ശേരി: ഉദ്ഘാടനം കഴിഞ്ഞ് മണിക്കൂറുകള്‍ക്കകം പ്രവര്‍ത്തനം നിലച്ച തലശ്ശേരി റെയില്‍വേ സ്റ്റേഷനിലെ എസ്‌കലേറ്റര്‍ പ്രവര്‍ത്തിച്ചു തുടങ്ങി.
മുല്ലപ്പള്ളി രാമചന്ദ്രന്‍ എം.പി റെയില്‍വേ അധികൃതരെ നേരിട്ട് വിളിച്ചാണ് പ്രശ്‌നത്തിനു പരിഹാരം കാണാന്‍ നിര്‍ദേശിച്ചത്. കഴിഞ്ഞ ഒന്നിനാണ് രാവിലെ റെയില്‍വേ സ്റ്റേഷനിലെ എസ്‌കലേറ്ററിന്റെ പ്രവര്‍ത്തനം ആരംഭിച്ചത്. എന്നാല്‍ ഉച്ചയോടെ സാങ്കേതിക പ്രശ്‌നം കാരണം പ്രവര്‍ത്തനം നിലക്കുകയായിരുന്നു.
തുടര്‍ന്ന് വ്യാഴാഴ്ച രാത്രി വൈകിയാണ് എം.പിയുടെ നിര്‍ദേശത്തെ തുടര്‍ന്ന് പ്രശ്‌നം പരിഹരിച്ച് വീണ്ടും എസ്‌കലേറ്റര്‍ പ്രവര്‍ത്തിപ്പിച്ചത്.