ആലപ്പുഴ: കവിതാ കോപ്പിയടി വിവാദത്തില്‍പെട്ട ദീപ നിശാന്ത് സംസ്ഥാന സ്‌കൂള്‍ കലോത്സവത്തിന് വിധികര്‍ത്താവായി എത്തിയതുമായി ബന്ധപ്പെട്ട് വിവാദം. രചനാ മത്സരങ്ങളുടെ മൂല്യനിര്‍ണയത്തിനാണ് തൃശൂര്‍ കേരള വര്‍മ കോളേജിലെ മലയാളം അധ്യപികയായ ദീപ എത്തിയത്.

ഇതിനെതിരെ പ്രതിഷേധവുമായെത്തിയവരെ പൊലിസ് അറസ്റ്റ് ചെയ്തു നീക്കി.

എഴുത്തുകാരിയും അധ്യാപികയും എന്ന നിലയിലാണ് ദീപ നിശാന്തിനെ വിധികര്‍ത്താവായി ക്ഷണിച്ചതെന്നും അവരെ മാറ്റേണ്ട സാഹചര്യമില്ലെന്നും സംഘാടകര്‍ അറിയിച്ചു.