ചാലിയം:  ഗവണ്‍മെന്റ് ഫിഷറീസ് എല്‍.പി സ്‌കൂളില്‍ ക്വിറ്റ് ഇന്ത്യാ ദിനത്തിന്റെ ഭാഗമായി സ്വാതന്ത്ര്യ സമര  സേനാനിയുമായി വിദ്യാര്‍ഥികളുടെ മുഖാമുഖം പരിപാടി സംഘടിപ്പിച്ചു. എങ്ങനെ ബ്രിട്ടീഷുകാരെ  ഓടിച്ചുവിട്ടു' എന്ന ചെറിയ ചോദ്യം മുതല്‍ 'ഗാന്ധിസം നടപ്പിലാക്കാന്‍ ഇപ്പോഴത്തെ  ഭരണാധികാരികള്‍ക്ക് കഴിഞ്ഞോ' തുടങ്ങിയ വലിയ ചോദ്യങ്ങള്‍ വരെ സ്വാതന്ത്ര്യ സമര സേനാനി പി. വാസുവിനോട് വിദ്യാര്‍ഥികള്‍ ചോദിച്ചു.
മഹാത്മാഗാന്ധിയെ കോഴിക്കോട്  പൊതുയോഗസ്ഥലത്തുവെച്ച് കണ്ട സംഭവം ചടങ്ങ് ഉദ്ഘാടനം ചെയ്തുകൊണ്ട് അദ്ദേഹം അനുസ്മരിച്ചു.  സ്‌കൂള്‍ ഹെഡ്മാസ്റ്റര്‍ ഇ. വിശ്വനാഥന് സേനാനിയെ പൊന്നാട അണിയിച്ചു. പഞ്ചായത്തംഗം ആയിശാബീവി  അധ്യക്ഷയായി. പി.ടി.എ പ്രസിഡന്റ് വി ജമാല്‍ സമ്മാനദാനം നിര്‍വഹിച്ചു. സ്റ്റാഫ് സെക്രട്ടറി എ. അബ്ദുല്‍ റഹീം, പി.പി റഫീഖ് ചാലിയം, വി.സി അബ്ദുല്‍ ഗഫൂര്‍ സംസാരിച്ചു.