കോഴിക്കോട്: പയ്യാനക്കല്‍ മേഖല മുസ്‌ലിം ലീഗ് കമ്മിറ്റി  പുന:സംഘടിപ്പിച്ചു. കോഴിക്കോട് ബി.വി സെന്ററില്‍ നടന്ന ശാഖാ ലീഗ് പ്രസിഡന്റ്  സെക്രട്ടറിമാരുടെയും മണ്ഡലം മേഖലാ ഭാരവാഹികളുടെയും സംയുക്ത യോഗത്തില്‍ പയ്യാനക്കല്‍ മേഖലാ മുസ്‌ലിം ലീഗ് ഹഡ്‌ഹോക്ക് കമ്മിറ്റിക്ക് രൂപം നല്‍കി.
മണ്ഡലം പ്രസിഡന്റ് കെ.മൊയ്തീന്‍കോയയുടെ അധ്യക്ഷതയില്‍ നടന്ന ചടങ്ങില്‍ മണ്ഡലം ലീഗ് ഭാരവാഹികളായ സി.ടി സക്കീര്‍ ഹുസൈന്‍, പി.വി അവറാന്‍, സി.പി ഉസ്മാന്‍, വഎ.ഗഫൂര്‍ സംസാരിച്ചു. ഭാരവാഹികളായി കെ.എം റഷീദ് പ്രസിഡന്റായും ജന.സെക്രട്ടറിയായി ടി.കെ അഷ്‌റഫിനെയും ട്രഷററായി കെ.ടി സെയ്ത് മുഹമ്മദ് എന്നിവരെയും തെരഞ്ഞെടുത്തു.