അന്തിക്കാട്: പെരിങ്ങോട്ടുകര യാറത്തിങ്കള്‍ ജമാഅത്ത് കമ്മിറ്റിയുടെ ആഭിമുഖ്യത്തില്‍ ്ഇന്നും നാളേയും ആത്മീയ സാംസ്‌കാരിക സദസ്സ് സംഘടിപ്പിക്കുമെന്ന് മഹല്ല് കമ്മിറ്റി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. വ്യാഴാഴ്ച വൈകീട്ട് 7.30 ന് മസ്ജിദ് കോമ്പൗണ്ടില്‍ പ്രത്യേകം തയ്യാറാക്കിയ കുമ്മം കണ്ടത്ത് സെയ്തലവി മുസ്്‌ലിയാര്‍ നഗറില്‍ ബഷീര്‍ ഫൈസി ദേശമംഗലം ഉദ്ഘാടനം ചെയ്യും.
വിചാരണ ലോകത്തെ വിജയികള്‍ എന്ന വിഷയത്തെ കുറിച്ച് സിറാജുദ്ദീന്‍ ഖാസിമി പത്തനാപുരവും വെള്ളിയാഴ്ച രാത്രി 7.30 ന് നൗഷാദ് ബാഖവി ചിറയിന്‍കീഴും മുഖ്യ പ്രഭാഷണം നടത്തുമെന്നും ഭാരവാഹികള്‍ പറഞ്ഞു. ജീവകാരുണ്യ പ്രവര്‍ത്തനങ്ങള്‍ക്കുള്ള ഫണ്ട് ശേഖരിക്കുകയാണ് പ്രഭാഷണ പരമ്പരയുടെ ലക്ഷ്യം. വാര്‍ത്താസമ്മേളനത്തില്‍ ഇ.എം ബഷീര്‍, യൂസഫ് പാണ്ടോളി, കെ.എസ്.എം ബഷീര്‍, അബ്ദുള്‍ ലത്തീഫ് മുസ്‌ലിയാര്‍ പങ്കെടുത്തു.