മണല്‍ കടത്തുമായി ബന്ധപ്പെട്ട് അഞ്ചു പേരേയും പൊലിസ് പിടികൂടിയിട്ടുണ്ട്
വരന്തരപ്പിള്ളി: മനക്കളക്കടവില്‍ നിന്നും ലോറിയില്‍ അനധികൃതമായി കടത്തുകയായിരുന്ന മണല്‍ വരന്തരപ്പിള്ളി പൊലിസ് പിടികൂടി. മണല്‍ കടത്തുമായി ബന്ധപ്പെട്ട് അഞ്ചു പേരേയും പൊലിസ് പിടികൂടിയിട്ടുണ്ട്. പുത്തൂര്‍ ഓട്ടോക്കാരന്‍ വീട്ടില്‍ ഷാബു (45), കല്ലൂര്‍ കൊല്ലംകുന്ന് ഉനിക്കാട്ടുതറ വീട്ടില്‍ പ്രേമന്‍(31), വരന്തരപ്പിള്ളി മനക്കല്‍ കടവില്‍ ചങ്ങരംകാട്ടില്‍ വീട്ടില്‍ രാമകൃഷ്ണന്‍ (51), മുപ്ലിയം പീനിക്കപ്പറമ്പ് നൊച്ചിയില്‍ വീട്ടില്‍ ഷാജു (41) , മനക്കലക്കടവ് വെളുത്തേടത്ത് വീട്ടില്‍ അശോകന്‍ (52) എന്നിവരാണ് പിടിയിലായത്.
രഹസ്യ വിവരമനുസരിച്ചു ബുധനാഴ്ച രാവിലെ അഞ്ചര മണിയോടെ വരന്തരപ്പിള്ളി പൊലിസ് നടത്തിയ തെരച്ചിലിലാണ് മണലും ആളുകളും പിടിയിലായത്. പ്രതികളെ കോടതിയില്‍ ഹാജരാക്കി.