ന്യൂഡല്‍ഹി: രാജ്യത്ത് കുട്ടികള്‍ക്കുനേരെ വര്‍ധിച്ചുവരുന്ന അക്രമങ്ങളില്‍ പ്രതിഷേധിച്ച് എന്‍.എസ്.യു.ഐ ദേശീയ കമ്മിറ്റിയുടെ ആഭിമുഖ്യത്തില്‍ പാര്‍ലമെന്റിലേക്കു നടത്തിയ മാര്‍ച്ചില്‍ സംഘര്‍ഷം. കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത് അടക്കമുള്ള നിരവധി പ്രവര്‍ത്തകര്‍ക്കു ലാത്തിച്ചാര്‍ജില്‍ പരുക്കേറ്റു.
മണ്ടിഹൗസില്‍നിന്ന് ആരംഭിച്ച ലോങ് മാര്‍ച്ച് പാര്‍ലമെന്റ് സ്ട്രീറ്റില്‍വച്ച് പൊലിസ് തടഞ്ഞു. പ്രതിഷേധ സമ്മേളനം ദേശീയ അധ്യക്ഷന്‍ നീരജ് കുന്ദന്‍ ഉദ്ഘാടനം ചെയ്തു. തുടര്‍ന്ന് അഭിജിത്തിന്റെ നേതൃത്വത്തില്‍ റോഡില്‍ കുത്തിയിരുന്ന് മുദ്രാവാക്യം വിളിച്ച പ്രവര്‍ത്തകര്‍ക്കെതിരേ ലാത്തിവീശുകയായിരുന്നു