ഫറോക്ക്: ജനകീയ കൂട്ടായ്മയില്‍ നാട് ശുചീകരിക്കാനുളള പദ്ധതിയുടെ ഭാഗമായി കോര്‍പ്പറേഷന്‍ 51ാം ഡിവിഷനില്‍ നിന്നും ശേഖരിച്ച ഖരമാലിന്യങ്ങള്‍ കയറ്റി അയച്ചു.
പ്രദേശത്തെ റസിഡന്റ്‌സ് അസോസിയേഷനുകളുടെ സഹകരണത്തോടെയാണ് ഖരമാലിന്യങ്ങള്‍ ശേഖരിച്ചത്.  മാലിന്യങ്ങള്‍ കയറ്റി അയക്കല്‍ പരിപാടി വി.കെ.സി മമ്മദ്‌കോയ എം.എല്‍.എ ഉദ്ഘാടനം ചെയ്തു.
നടുവട്ടം പാല്‍ക്കമ്പനിക്കു സമീപം നടന്ന ചടങ്ങില്‍ കോര്‍പറേഷന്‍ കൗണ്‍സിലര്‍ എം.ഗിരിജ അധ്യക്ഷയായി.
കൗണ്‍സിലര്‍മാരായ പി.പി ബീരാന്‍കോയ, പേരോത്ത് പ്രകാശന്‍, മുന്‍കൗണ്‍സിലര്‍ പി.വി ഹൈദരലി, റസിഡന്റ്‌സ് അസോസിയേഷന്‍ ഭാരവാഹികളായ പി.എം ശേഖരന്‍, വിജയന്‍, പി.രാധാകൃഷ്ണന്‍, ചെമ്പ്ര ചന്ദ്രശേഖരന്‍ എന്നിവര്‍ സംസാരിച്ചു.