വെഞ്ഞാറമൂട്: മോഷണ ശ്രമത്തിനിടെ നാട്ടുകാര്‍ ഒരാളെ പിടികൂടി പൊലിസിന് കൈമാറി.
മുക്കുന്നൂര്‍ പുത്തൂര് പുത്തന്‍ വീട്ടില്‍ സന്തോഷി(40)നെയാണ് നാട്ടുകര്‍ പിടികൂടി പൊലിസിലേല്പ്പിച്ചത്. കഴിഞ്ഞ ദിവസം രാത്രി 7.30ന് ആയിരുന്നു സംഭവം.
മൈലയ്ക്കല്‍ വേടക്കാലയില്‍ വീട്ടില്‍ ജമീലാ ബീവിയുടെ വീട്ടു വളപ്പില്‍ മറഞ്ഞിരുന്ന ഇയാളെ ഗേറ്റ് തുറക്കുന്ന ശബ്ദം കേട്ട് സംശയം തോന്നി പുറത്തിറങ്ങി ടോര്‍ച്ചഠിച്ച് നോക്കിയപ്പോള്‍ മതിലിനോട് ചേര്‍ന്ന് ഒരാള്‍ പതുങ്ങിയിരിക്കുന്നത് കാണുകയും ഭയന്ന് നിലവിളിക്കുകുയം ചെയ്തു.
ഇത് കേട്ടെത്തിയ അയല്‍വാസികള്‍ സംശയാസ്പദമായി കണ്ടയാളെ പിടികൂടി വെഞ്ഞാറമൂട് പൊലിസിലേപ്പ്പിക്കുകയുമായിരുന്നു.
തുടര്‍ന്നുള്ള പൊലിസിന്റെ ചേദ്യം ചെയ്യലില്‍ മോഷണമാണ് ലക്ഷ്യമെന്ന് സമ്മതിക്കുകയും പൊലിസ് ഇയാളെ അറസ്റ്റു രേഖപ്പെടുത്തി കോടതിയില്‍ ഹാജരാക്കുകയുമാണുണ്ടായത്.