താമരശേരി: കഞ്ചാവ് വില്‍പ്പനയ്ക്കിടെ ഒഡിഷ സ്വദേശി പിടിയിലായി. കന്ദമാല്‍ കീരിക്കുട്ടി സ്വദേശി അമരേശ്വര്‍ മുഖി (26) ആണ് അറസ്റ്റിലായത്. 1.200 കി.ഗ്രാം കഞ്ചാവുമായി താമരശേരി റെയ്ഞ്ച് അസ. എക്‌സൈസ് ഇന്‍സ്‌പെക്ടര്‍ ജയിംസ് മാത്യുവും സംഘവുമാണ് യുവാവിനെ പിടികൂടിയത്.

ഇന്നലെ രാവിലെ ഏഴരയോടെ തച്ചംപൊയിലില്‍ നിന്നാണ് ഇയാള്‍ അറസ്റ്റിലായത്. 12 വര്‍ഷത്തോളമായി കേരളത്തിലെത്തിയ ഇയാള്‍ ഹോട്ടലുകളില്‍ ജോലി ചെയ്തുവരികയാണ്. ബാലുശ്ശേരി, എസ്‌റ്റേറ്റ്മുക്ക് ഭാഗങ്ങളില്‍ വാടകയ്ക്കു താമസിച്ചാണ് വില്‍പ്പന നടത്തുന്നത്. ബാലുശ്ശേരി ചാലിയംതെരു കോളനിയിലാണ് ഇപ്പോള്‍ താമസം. റെയ്ഡിനു പ്രിവന്റിവ് ഓഫിസര്‍ എം. അനില്‍കുമാര്‍, സിവില്‍ എക്‌സൈസ് ഓഫിസര്‍മാരായ ടി. നൗഫല്‍, കെ.ജി ജിനീഷ്, വി.ആര്‍ അശ്വന്ത്, ആര്‍.എസ് ശ്യാം പങ്കെടുത്തു. താമരശേരി ജുഡിഷ്യല്‍ മജിസ്‌ട്രേറ്റ് കോടതി മുന്‍പാകെ ഹാജരാക്കിയ പ്രതിയെ റിമാന്‍ഡ് ചെയ്തു.