ഇരവിപുരം: പാചകത്തിനിടെ പ്രഷര്‍കുക്കര്‍ പൊട്ടിത്തെറിച്ച് വീട്ടമ്മക്ക് പരുക്കേറ്റു. അയത്തില്‍ ശാന്തിനഗര്‍ ചന്ദ്രബാബുവിന്റെ ഭാര്യ കലയ്ക്കാ(40)ണ് പരുക്കേറ്റത്. ഇന്നലെ രാവിലെ ഏഴരയോടെയായിരുന്നു സംഭവം. പാചകം ചെയ്യുന്നതിനിടെ പ്രഷര്‍കുക്കര്‍ പൊട്ടിത്തെറിച്ചപ്പോള്‍ വീടിന്റെ മേല്‍ക്കൂരയിലെ ഓടുകള്‍ തകര്‍ന്നു വീണാണ് ഇവര്‍ക്ക് പരുക്കേറ്റത്. കുക്കറിലുണ്ടായിരുന്ന പാചകവസ്തുക്കള്‍ തെറിച്ച് വീണ് പൊള്ളലേല്‍ക്കുകയും ചെയ്തു. അയല്‍ക്കാര്‍ ചേര്‍ന്ന് ഉടന്‍തന്നെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും വിദഗ്ദ ചികില്‍സക്കായി സ്വകാര്യ മെഡിക്കല്‍ കോളജിലേക്ക് മാറ്റി.