ഫറോക്ക്: ചാലിയം ഉമ്പിച്ച ഹാജി ഹയര്‍ സെക്കന്‍ഡറി സ്‌കൂള്‍ പൂര്‍വവിദ്യാര്‍ഥി സംഗമം 13ന് നടക്കും. നൂറ്റാണ്ട് മുന്‍പ് ചാലിയത്ത് മദ്‌റസയായി തുടങ്ങിയ സ്ഥാപനത്തില്‍ പിന്നീട് സ്‌കൂള്‍ പഠനവും നടത്തുകയായിരുന്നു.

സ്‌കൂളില്‍ നിന്ന് പഠിച്ചിറങ്ങി വിവിധ മേഖലകളില്‍ നിന്നുള്ളവര്‍ ഒരുമിക്കുമ്പോള്‍ അത് ഉമ്പിച്ചി ഹാജിയെന്ന സ്ഥാപകനുള്ള ആദരവും കൂടിയാകും.
സംഗമത്തിനു വരുന്നവര്‍ മുന്‍കൂട്ടി ഓണ്‍ലൈന്‍ ആയോ 98 95 68 01 90 നമ്പറിലോ രജിസ്റ്റര്‍ ചെയ്യണമെന്ന് ബന്ധപ്പെട്ടവര്‍ അറിയിച്ചു. ബാച്ചുതല സംഗമങ്ങള്‍, ആദരിക്കല്‍, കലാ-സാംസ്‌കാരിക പരിപാടികള്‍ തുടങ്ങിയവ നടക്കും.
പന്തല്‍ കാല്‍നാട്ടല്‍ കര്‍മം പൂര്‍വവിദ്യാര്‍ഥിയും മുന്‍ പ്രധാനാധ്യാപകനുമായ എ. അബ്ദുറഹ്മാന്‍ നിര്‍വഹിച്ചു.