ചവറ: ഒരു പ്രദേശത്തെ തന്നെ സഹോദരങ്ങളുടെയും സുഹൃത്തിന്റെയും അപകട മരണം ഒരു നാടിന്റെ വേദനയായി മാറി. പുത്തന്‍തോപ്പില്‍ പടിഞ്ഞാറ്റതില്‍ ആന്റണി-അന്നാമ്മ ദമ്പതികളടെ മക്കളായ ഫ്രാന്‍സിസ് അസീസി (സിദ്ദു 21), ജോസ് ആന്റണി (സച്ചിന്‍-19), നീണ്ടകര പുത്തന്‍തോപ്പില്‍ പടിഞ്ഞാറ്റതില്‍ സില്‍വയ്യന്‍-സിംല ദമ്പതികളുടെ മകന്‍ സിജിന്‍ (20) എന്നിവരുടെ മരണമാണ് നീണ്ടകര ഗ്രാമത്തെ കണ്ണീരിലാഴ്ത്തിയത്. ഇന്നലെ പുലര്‍ച്ചെ രാമന്‍കുളങ്ങരയില്‍ വച്ച് ടാങ്കര്‍ ലോറിയിടിച്ചാണ് യുവാക്കള്‍ മരണമടഞ്ഞത്.കൂട്ടുകാരും ബന്ധുക്കളുമായ ഈ യുവാക്കളെ മരണം പുത്തന്‍തോപ്പ് പ്രദേശം ഒരു ഞെട്ടലോടെയാണ് കേട്ടത്. ഫ്രാന്‍സിസ്, ജോസ് എന്നിവരുടെ വേര്‍പാട് ഇവരുടെ സഹോദരനായ അലക്‌സിന് താങ്ങാവുന്നതിലപ്പുറമാണ്. എല്ലാ കാര്യത്തിനും മുന്നിട്ട് നില്‍ക്കുന്ന തങ്ങളുടെ സഹോദരന്‍ സച്ചിന്‍ ഇനിയില്ലെന്ന യാഥാര്‍ഥ്യവുമായി പൊരുത്തപ്പെടാനായിട്ടില്ല. ഫ്രന്‍സിസിസ്, ജോസ് എന്നിവരുടെ മൃതദേഹം ഒരു കല്ലറയിലാണ് സംസ്‌കരിച്ചത്.