തൊട്ടില്‍പ്പാലം: സുപ്രഭാതം പ്രചാരണ കാംപയിനിന്റെ ഭാഗമായി  കുറ്റ്യാടി റെയ്ഞ്ച്തല കണ്‍വന്‍ഷന്‍ മദ്‌റസാ മാനേജ്‌മെന്റ് അസ്സോസിയേഷന്‍ സെക്രട്ടറി ടി.എച്ച് അഹമ്മദ് മാസ്റ്റര്‍ ഉദ്ഘാടനം ചെയ്തുഅ.
വര്‍ത്തമാനസാഹചര്യത്തില്‍ നേരിന്റെ പക്ഷം ചേര്‍ന്ന്  മൂല്യാധിഷ്ടിത പത്രപ്രവര്‍ത്തനമാണ് സുപ്രഭാതം കാഴ്ചവെക്കുന്നതെന്നും അതിനാല്‍ വലിയ ജനപിന്തുണയാണ് ലഭിക്കുന്നതെന്നും അദ്ദേഹം പറഞ്ഞു. കുറ്റ്യാടി സുന്നിമഹലില്‍ നടന്ന കണ്‍വന്‍ഷനില്‍ പ്രസിഡന്റ് ടി.വി.സി അബ്ദുസ്സമദ്‌ഫൈസി അധ്യക്ഷനായി. ഇസ്മായില്‍ ദാരിമി വെള്ളമുണ്ടണ്ട മുഖ്യപ്രഭാഷണം നടത്തി.
സത്താര്‍ ദാരിമിക്ക് കൂപ്പണ്‍ നല്‍കി ടി.വി.സി അബ്ദുസ്സമദ് ഫൈസി കാംപയില്‍ ഉദ്ഘാടനം നിര്‍വഹിച്ചു.  റെയ്ഞ്ച് പരിധിയിലെ 16 മദ്‌റസകള്‍ കേന്ദ്രീകരിച്ച് സുപ്രഭാതത്തിന്റെ വാര്‍ഷിക വരിക്കാരെ പരമാവധി വര്‍ധിപ്പിക്കാന്‍ കണ്‍വന്‍ഷന്‍ തീരുമാനിച്ചു. അശ്‌റഫ് അമാനി, ഹാജി.കെ.പൊറോറ, യു.കെ അബ്ദുല്‍ഹമീദ്ഹാജി, ഒ.കെ റിയാസ് മാസ്റ്റര്‍, ഷൈജല്‍ അഹമ്മദ്, ലത്തീഫ് അടുക്കത്ത്, അജ്മല്‍ അശ്അരി, റെയ്ഞ്ച് പരിധിയിലെ സമസ്തയുടെയും കീഴ്ഘടകങ്ങളുടെയും ഭാരവാഹികള്‍, മഹല്ല്, മദ്‌റസ ഭാരവാഹികള്‍ പങ്കെടുത്തു.