നടുവണ്ണൂര്‍: വാകയാട് ഹയര്‍ സെക്കന്‍ഡറി സ്‌കൂളില്‍ ഷെയര്‍ ദ കെയര്‍ പദ്ധതിയ്ക്ക് തുടക്കമായതായി ഭാരവാഹികള്‍ പത്രസമ്മേളനത്തില്‍ അറിയിച്ചു. ഈ വര്‍ഷം മുതല്‍ എട്ടാം തരത്തില്‍ പ്രവേശനം നേടുന്ന മുഴുവന്‍ വിദ്യാര്‍ഥികളെയും അധ്യാപകര്‍ ദത്തെടുത്തു പഠിപ്പിക്കും. വിദ്യാര്‍ഥികളുടെ പഠന പ്രശ്‌നങ്ങള്‍, വീടുകളിലെ പഠന സാഹചര്യം എന്നിവ മനസ്സിലാക്കി രക്ഷിതാക്കളുമായി ആശയവിനിമയം നടത്തും. അധ്യാപകരും മാനേജ്‌മെന്റ്  ഭാരവാഹികളും ഗൃഹസന്ദര്‍ശനം നടത്തി പഠന നിലവാരം ഉറപ്പുവരുത്തും. മാനേജിങ് അക്കാദമിക് സമിതി മോണിറ്റര്‍ സെല്ലായി പ്രവര്‍ത്തിക്കും. പത്രസമ്മേളനത്തില്‍ ഒ.എം കൃഷ്ണകുമാര്‍, സി.കെ അശോകന്‍, അസ്സന്‍കോയ മണാട്ട്, പ്രധാനാധ്യാപിക ടി ബീന സംബന്ധിച്ചു.