പുതുക്കാട് (തൃശൂര്‍): പാലപ്പിള്ളിയില്‍ ജനവാസമേഖലയില്‍ പുലിയിറങ്ങി. ബുധനാഴ്ച പുലര്‍ച്ചെയോടെ പാലപ്പിള്ളി-മൈസൂരു റോഡിലാണ് സംഭവം.
പുലി പാട്ടുകര മുസ്തഫയുടെ പശുക്കുട്ടിയെ കൊന്നു. പുലിയിറങ്ങി വളര്‍ത്തുമൃഗങ്ങളെ കൊല്ലുന്നത് നേരത്തേ പതിവായിരുന്നു. കുറച്ചുകാലമായി പുലി നാട്ടിലിറങ്ങാത്തതില്‍ ആശ്വാസത്തിലായിരുന്ന ജനങ്ങളിപ്പോള്‍ ആശങ്കയിലാണ്.
പശുക്കുട്ടിയെ കൊന്നത് പുലിയാണെന്ന് വനംവകുപ്പ് അധികൃതര്‍ പറഞ്ഞു. കാട്ടുമൃഗങ്ങള്‍ നാട്ടിലിറങ്ങുന്നത് തടയാന്‍ ശാശ്വത നടപടി വേണമെന്നാണ് നാട്ടുകാരുടെ ആവശ്യം.