കണ്ണൂര്‍: കോടതിക്ക് മുന്നിലുള്ള തെരഞ്ഞെടുപ്പ് കേസുമായി ബന്ധപ്പെട്ട് എന്നോടൊപ്പം നികേഷ്‌കുമാറും നുണപരിശോധനക്ക് തയാറുണ്ടോയെന്ന് കെ.എം ഷാജി എം.എല്‍.എ. പി. ജയരാജനോടും കൂടിയാണ് വെല്ലുവിളിയെന്നും ഷാജി വ്യക്തമാക്കി. കണ്ണൂരില്‍ മുസ്‌ലിം ലീഗ് ജില്ലാ കമ്മിറ്റി സംഘടിപ്പിച്ച രാഷ്ട്രീയ വിശദീകരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.  സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി ഉദ്ഘാടനം ചെയ്തു. ജില്ലാ പ്രസിഡന്റ് പി. കുഞ്ഞിമുഹമ്മദ് അധ്യക്ഷനായി. അബ്ദുറഹ്മാന്‍ കല്ലായി, ജനറല്‍ സെക്രട്ടറി അബ്ദുല്‍ കരീം ചേലേരി, ഡി.സി.സി പ്രസിഡന്റ് സതീശന്‍ പാച്ചേനി, സി.എം.പി ജില്ലാ സെക്രട്ടറി സി.എ അജീര്‍, കെ. സുരേന്ദ്രന്‍, വി.പി വമ്പന്‍, എം.എ കരീം, അന്‍സാരി തില്ലങ്കേരി സംസാരിച്ചു. പി.വി സൈനുദ്ദീന്‍, കെ.പി താഹിര്‍, ഇബ്രാഹിംകുട്ടി തിരുവട്ടൂര്‍, എന്‍.എ അബൂബക്കര്‍, ഇബ്രാഹി മുണ്ടേരി, കെ.വി മുഹമ്മദലി, എസ്. മുഹമ്മദ്, കെ.എ ലത്തീഫ് പങ്കെടുത്തു.