വാഴക്കാട്: ജീവിതവിജയത്തിന് മഹാന്മാരുടെ പാത പിന്‍പറ്റണമെന്നും നന്മയും സ്വന്തമാക്കണമെന്നും സയ്യിദ് ഹൈദരലി ശിഹാബ് തങ്ങള്‍ പറഞ്ഞു. കണ്ണിയത്ത് ഉസ്താദ് 26ാമത് ഉറൂസിനോടനുബന്ധിച്ച് പുതിയ ബ്ലോക്കി(സയ്യിദ് ഉമറലി ശിഹാബ് തങ്ങള്‍ സ്മാരക ബ്ലോക്ക്)ന്റെ ഉദ്ഘാടനവും രണ്ടാംദിന പരിപാടിയുടെ ഉദ്ഘാടനവും നിര്‍വഹിച്ച് സംസാരിക്കുകയായിരുന്നു അദ്ദേഹം. മുജീബ് തങ്ങള്‍ കൊന്നാര് രചിച്ച കണ്ണിയത്ത് ഉസ്താദ് ജീവചരിത്ര പുസ്തക പ്രകാശനവും ഹിഫ്‌ളുല്‍ ഖുര്‍ആന്‍ കോളജിലെയും ശരീഅത്ത് കോളജിലെയും വിദ്യാര്‍ഥികള്‍ നടത്തിയ കലാമേളയിലെ വിജയികള്‍ക്കുള്ള സമ്മാന വിതരണവും തങ്ങള്‍ നിര്‍വഹിച്ചു.
പി.എ ജബ്ബാര്‍ ഹാജി അധ്യക്ഷനായി. ശമീര്‍ ദാരിമി കൊല്ലം മുഖ്യപ്രഭാഷണം നടത്തി. മജീദ് ഫൈസി കിഴിശ്ശേരി പ്രാര്‍ഥനയ്ക്ക് നേതൃത്വം നല്‍കി. സയ്യിദ് കുഞ്ഞിസീതി കോയ തങ്ങള്‍, സയ്യിദ് ബി.എസ്.കെ തങ്ങള്‍, മമ്മു ദാരിമി, വലിയുദ്ദീന്‍ ഫൈസി, അബ്ദുറഹ്മാന്‍ ദാരിമി മുണ്ടേരി, നാസര്‍ അല്‍ ജമാല്‍, ടി.പി അബ്ദുല്‍ അസീസ് വാഴക്കാട് തുടങ്ങിയവര്‍ സംസാരിച്ചു.ഇന്ന് വൈകിട്ട് 6.30ന് നടക്കുന്ന മതപ്രഭാഷണം സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഖലീല്‍ ഹുദവി കാസര്‍കോട് പ്രഭാഷണം നടത്തും. മൂര്യാട് ഹംസ മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും.