തിരുവനന്തപുരം: വനിതാ മതിലിനിതെ പ്രതിപക്ഷ നേതാവ് രമേശ് ചെന്നിത്തല. വനിതാ മതില്‍ വര്‍ഗീയ മതിലാണെന്നും ഇതിനായി നികുതി പണം ഉപയോഗിക്കുന്നത് തെറ്റാണ്. ഹിന്ദു സംഘടനകളെ മാത്രം പങ്കെടുപ്പിച്ചു കൊണ്ടുള്ള വനിതാ മതില്‍ സംസ്ഥാനത്തിന്റെ മതേതരമൂല്യം തകര്‍ക്കും. സര്‍ക്കാര്‍ മുസ്‌ലിം, ക്രൈസ്തവ സംഘടനകളെ വനിതാ മതിലിന്റെ ഭാഗമാകാന്‍ ക്ഷണിച്ചിട്ടില്ല.

വനിതാ മതില്‍ കേരള ജനതയില്‍ മുറിവുണ്ടാക്കാന്‍ മാത്രമേ ഉപകരിക്കൂ. ഓരോ ദിവസവും ഇതില്‍ നിന്നും സംഘടനകള്‍ പിന്മാറികൊണ്ടിരിക്കുന്നു. സി.പി.എമ്മിനോ എല്‍.ഡി.എഫിനോ മതില്‍ കെട്ടണമെങ്കില്‍ പാര്‍ട്ടി പണം ഉപയോഗിച്ചുവേണമെന്നും ചെന്നിത്തല പറഞ്ഞു.