കോതമംഗലം: സ്വകാര്യ ബസും ബൈക്കും കൂട്ടിയിടിച്ച് യുവാവിന് ഗുരുതര പരുക്ക്. ബൈക്ക് യാത്രികനായ പോത്താനിക്കാട് കൊടക്കപറമ്പില്‍ പൈലി മകന്‍ ജോമോനാണ് പരുക്കേറ്റത്.

ഇന്നലെ ഉച്ചയോടെ കോഴിപ്പിള്ളി പോത്താനിക്കാട് റോഡില്‍ പിടവൂര്‍ പി.ഡി.ഡി.പി മില്‍ക്ക് സൊസൈറ്റി വളവിലായിരുന്നു അപകടം. കോതമംഗലത്തു നിന്നും പോത്താനിക്കാട്ടേക്ക് വരികയായിരുന്ന ബസ് എതിര്‍ദിശയില്‍ വരുകയായിരുന്ന ബൈക്കില്‍ ഇടിക്കുകയായിരുന്നു. ബസിനടിയില്‍പ്പെട്ട ജോമോനെ ഓടികൂടിയ നാട്ടുകാരാണ് പുറത്തെടുത്തത്.
കോതമംഗലത്തെ സ്വകാര്യ ആശുപത്രിയില്‍ എത്തിച്ചെങ്കിലും പരിക്ക് ഗുരുതരമായതിനാല്‍ വിദഗ്ധ ചികിത്സക്കായി എറണാകുളത്തേക്ക് കൊണ്ടുപോയി. മിക്കവാറും അപകടമുണ്ടാകുന്ന വളവാണ് പിടവൂര്‍ പി.ഡി.ഡി.പി.സൊസൈറ്റിക്ക് സമീപമുള്ളത്. കൊടുംവളവും റോഡിന്റെ വീതി കുറവും എതിര്‍ദിശയില്‍ നിന്നു വരുന്ന വാഹനങ്ങള്‍ കാണുന്നതിന് വിഷമമുണ്ടാകുന്നതാണ് ഇവിടെ അപകടങ്ങള്‍ക്ക് കാരണമാകുന്നത്.