ആലപ്പുഴ: ലഹരി വിരുദ്ധ ബോധവത്കരണ പ്രവര്‍ത്തനങ്ങളുടെ ഭാഗമായി, എക്‌സൈസ് കമ്മീഷണര്‍ ഋഷിരാജ് സിങ്ങ് ജില്ലയിലെ മൂന്നിടങ്ങളില്‍ വിദ്യാര്‍ഥികളുമായി സംവദിക്കും. 

രാവിലെ 10 മണിയ്ക്ക് ഇലിപ്പക്കുളം കെ.കെ.എം.എച്ച്.എസ്.എസില്‍ സ്‌കൂള്‍ കുട്ടികളുമായി സംവദിക്കുന്ന എക്‌സൈസ് കമ്മീഷണര്‍ നൂറനാട് സി.ബി.എം ഹൈസ്‌കൂള്‍ ലഹരിക്കെതിരെയുളള കുട്ടികളുടെ കൂട്ടായ്മയായ 'ജാഗരം 2017' ഉദ്ഘാടനം ചെയ്യും. എക്‌സൈസ് വകുപ്പിന്റെ ആഭിമുഖ്യത്തില്‍ സ്‌കൂള്‍ കോളജുകളില്‍ രൂപീകരിച്ചിട്ടുളള ലഹരി വിരുദ്ധ ക്‌ളബിലെ ഭാരവാഹികളുമായി ഉച്ചയ്ക്ക് ഒരു മണിക്ക് ആലപ്പുഴ ജില്ലാ പഞ്ചായത്ത് ഹാളില്‍ സംവദിക്കും. ജില്ലാ പഞ്ചായത്ത് വൈസ് പ്രസിഡന്റ് ദലീമാ ജോജോ ചടങ്ങില്‍ പങ്കെടുക്കും. തുടര്‍ന്ന് മൂന്നിന് പാണാവളളി ഹൈസ്‌കൂളിലും കുട്ടികളുമായി ആശയ വിനിമയം നടത്തും.