കല്‍പ്പറ്റ: മീനങ്ങാടിയില്‍ നിന്ന് കാണാതായ പതിനെട്ടുകാരിയെ പൊലിസ് മൈസൂരിവില്‍ കണ്ടെത്തി. മീനങ്ങാടി താഴെനിയില്‍ വീട്ടില്‍ സാബുവിന്റെ മകള്‍ മീനാക്ഷി(18)യെയാണ് ജൂണ്‍ 29ന് തട്ടിക്കൊണ്ടു പോയതായി കാണിച്ച് രക്ഷിതാക്കള്‍ മീനങ്ങാടി പൊലിസില്‍ പരാതി നല്‍കിയത്. കേസില്‍ കൊളഗപ്പാറ വട്ടത്തിമൂല പുളിക്കല്‍ വീട്ടില്‍ അസ്മില(20)നെ അറസ്റ്റ് ചെയ്തു. മൈസൂരുവില്‍ നിന്ന് വ്യാഴാഴ്ച ഉച്ചയോടെയാണ് കുട്ടിയെ കണ്ടെത്തുന്നത്.
പരാതിയുടെ അടിസ്ഥാനത്തില്‍ കല്‍പ്പറ്റ ഡിവൈ.എസ്.പി മുഹമ്മദ് ഷാഫിയുടെ നേതൃത്വത്തില്‍ മീനങ്ങാടി പൊലിസ് സംഘം മൈസൂരുവിലും മഞ്ചേരിയിലും മറ്റു അടുത്ത ജില്ലകളിലും അന്വേഷണം നടത്തിവരുകയായിരുന്നു.
അസ്മിലനെ വെള്ളിയാഴ്ച രാവിലെ കോടതിയില്‍ ഹാജരാക്കും.