ന്യൂഡല്‍ഹി: ജാമിഅ മില്ലിയ ഇസ്‌ലാമിയ മുന്‍ വൈസ് ചാന്‍സലറും പ്രമുഖ ചരിത്രകാരനുമായ പ്രൊഫസര്‍ മുശീറുല്‍ ഹസന്‍ അന്തരിച്ചു. 71 വയസ്സായിരുന്നു. ബട്ട്‌ല ഹൗസ് വ്യാജഏറ്റുമുട്ടലിനെ തുടര്‍ന്ന് ജാമിഅ മില്ലിയ ഇസ്‌ലാമിയക്കും അവിടെയുള്ള മുസ്‌ലിം വിദ്യാര്‍ത്ഥികള്‍ക്കും നേരെ തീവ്രവാദമുദ്ര ചാര്‍ത്തപ്പെട്ടപ്പോള്‍ വിദ്യാര്‍ത്ഥികള്‍ക്ക് പിന്തുണയുമായി അന്നത്തെ വൈസ് ചാന്‍സലര്‍ മുശീറുല്‍ ഹസന്‍ മുന്നോട്ട് വന്നത് ഏറെ ശ്രദ്ധേയമായിരുന്നു. പോലീസ് നടപടിയില്‍ പ്രതിഷേധിച്ച് ഒരു പ്രകടനവും തന്നെ അദ്ദേഹം സംഘടിപ്പിച്ചിരുന്നു. ഒരു അപകടത്തെ തുടര്‍ന്ന് പരിക്കേറ്റു ചികിത്സയിലായിരുന്നു.