ന്യൂഡല്‍ഹി: ഫോബ്‌സിന്റെ ലോകത്തിലെ നൂറു പവര്‍ഫുള്‍ സ്ത്രീകളുടെ പട്ടികയില്‍ ഇന്ത്യന്‍ ധനമന്ത്രി നിര്‍മലാ സീതാരാമനും. ഇന്ത്യയുടെ ആദ്യത്തെ വനിതാ ധനമന്ത്രിയായ അവര്‍, പട്ടികയില്‍ 34ാം സ്ഥാനത്താണ്. നേരത്തെ പ്രതിരോധ വകുപ്പിന്റെ ചുമതലയും അവര്‍ വഹിച്ചിരുന്നു.
എച്ച്.സി.എല്‍ കോര്‍പറേഷന്‍ സി.ഇ.ഒ റോഷ്‌നി മല്‍ഹോത്ര, ബീകോണ്‍ ഫൗണ്ടര്‍ കിരണ്‍ മസുംദാര്‍, ലാന്‍ഡ് മാര്‍ക് ഗ്രൂപ്പിന്റെ രേണുക ജഗ്തിയാനി എന്നിവരും ശക്തരായ സ്ത്രീകളുടെ പട്ടികയില്‍ ഉള്‍പ്പെട്ടിട്ടുണ്ട്. ഈ വര്‍ഷത്തെ പട്ടികയില്‍ ജര്‍മന്‍ ചാന്‍സലര്‍ ആംഗല മെര്‍ക്കലാണ് ഒന്നാം സ്ഥാനത്തുള്ളത്. യൂറോപ്യന്‍ സെന്‍ട്രല്‍ ബാങ്കിന്റെ ക്രിസ്റ്റീന ലഗാര്‍ഡെ രണ്ടാം സ്ഥാനവും യു.എസ് ഹൗസ് ഓഫ് റെപ്രസന്റേറ്റീവ് സ്പീക്കര്‍ നാന്‍സി പെലോസി മൂന്നാം സ്ഥാനത്തുമെത്തി.