രാജാക്കാട്: ആരോഗ്യമാണ് സമ്പത്ത് എന്ന മുദ്രാവാക്യം ഓര്‍മപ്പെടുത്തിക്കൊണ്ട് എസ്.പി.സി ദിനാചരണത്തിന്റെ ഭാഗമായി എന്‍.ആര്‍. സിറ്റി, എസ്.എന്‍.വി ഹയര്‍ സെക്കന്‍ഡറി സ്‌കൂളിലെ എസ്.പി.സി കേഡറ്റുകള്‍ രാജകുമാരി ടൗണില്‍ കൂട്ടയോട്ടം സംഘടിപ്പിച്ചു. രാജാക്കാട് എസ്.ഐ പി.ഡി.അനൂപ്‌മോന്‍ കൂട്ടയോട്ടം ഫ്‌ലാഗ് ഓഫ് ചെയ്തു. 

സ്‌കൂള്‍ മാനേജര്‍ ഡി.രാധാകൃഷ്ണന്‍ തമ്പി, രാജകുമാരി പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ പി.പി.ജോയ്, എസ്.പി.സി ജില്ലാ കോഓര്‍ഡിനേറ്റര്‍ കെ.ജി മോഹനന്‍ എന്നിവര്‍ സംസാരിച്ചു. പി.ടി.എ പ്രസിഡന്റ് കെ.പി സുബീഷ്, സി.പി.ഒ സുജിത് ഏഴാച്ചേരി, സന്ധ്യ സാബു, ജോബിന്‍ ജയിംസ്, കെ.ഇ ഹാജറ അധ്യാപകരായ രതീഷ് കുമാര്‍, ഇ.കെ ജിജിമോന്‍, കിങ്ങിണി രാജേന്ദ്രന്‍, ആര്‍.രാജേഷ് എന്നിവര്‍ സംസാരിച്ചു.