കൊച്ചി: സ്വാതന്ത്ര്യദിനാഘോഷത്തിന്റെ ഭാഗമായി കലക്ടറേറ്റില്‍ നടത്തുന്ന ജില്ലാതല പരേഡിന്റെ റിഹേഴ്‌സല്‍ 11 മുതല്‍ 13 വരെ കലക്ടറേറ്റ് പരേഡ് മൈതാനിയില്‍ നടത്തും. 11, 12 തീയതികളില്‍ വൈകിട്ട് മൂന്നിനും 13ന് ഡ്രസ് റിഹേഴ്‌സല്‍ രാവിലെ എട്ടിനുമായിരിക്കും.
ഏഴ് സായുധ വിഭാഗം, 18 ആയുധമില്ലാത്ത വിഭാഗം, ഏഴ് ബാന്റ് സംഘങ്ങള്‍ എന്നിവ പരേഡില്‍ അണിനിരക്കും. ഈ ദിവസങ്ങളില്‍ വിദ്യാര്‍ഥികള്‍ക്ക് സ്വകാര്യബസുകളില്‍ കണ്‍സഷന്‍ അനുവദിക്കും. റിഹേഴ്‌സല്‍ ദിനമുള്‍പ്പെടെ മൂന്നു ദിവസവും മെഡിക്കല്‍ സംഘത്തിന്റെ സേവനമുണ്ടാകും. മൈതാനിയില്‍ ആവശ്യമായ ക്രമീകരണങ്ങള്‍ നാളെ പൂര്‍ത്തിയാക്കാന്‍ എ.ഡി.എം, സി.കെ പ്രകാശ് വിവിധ വകുപ്പുകള്‍ക്ക് നിര്‍ദേശം നല്‍കിയിട്ടുണ്ട്.