ഇരിങ്ങാലക്കുട: ആംബുലന്‍സും കാറും കൂട്ടിയിടിച്ച് രണ്ട് പേര്‍ക്ക് പരുക്ക്. ചന്തകുന്നില്‍ വ്യാഴാഴ്ച്ച പുലര്‍ച്ചെ 4.30 തോടെയാണ് ആംബുലന്‍സും കാറു കൂട്ടിയിടിച്ചത്. തൃശൂര്‍ മെഡിക്കല്‍ കോളജില്‍ രോഗിയെ കൊണ്ട് വിട്ട് മടങ്ങി വരുകയായിരുന്ന കൊടുങ്ങല്ലൂരിലെ സ്വകാര്യ ആശുപത്രിയുടെ ആംബുലന്‍സില്‍ മൂന്ന്പീടിക ഭാഗത്ത് നിന്ന് വന്ന കാറ് ഇടിയ്ക്കുകയായിരുന്നു. ഇടിയുടെ ആഘാതത്തില്‍ ആംബുലന്‍സ് ഭാഗിഗമായി തകര്‍ന്നു. പരിക്കേറ്റ ആംബുലന്‍സ് ഡ്രൈവര്‍ അഴിക്കോട് സ്വദേശി പരുത്തിയെഴുത്ത് വീട്ടില്‍ മുഹമ്മദ് സിറാസ് (38), സഹയാത്രികനായ പൊയ്യ സ്വദേശി കാട്ടുക്കാരന്‍ വിജയന്‍(57) നെ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു.