കൊച്ചി: ജനുവരിയില്‍ നടക്കാനിരിക്കുന്ന അന്താരാഷ്ട്ര നാടകോത്സവത്തിലേക്ക് സംഗീത നാടക അക്കാദമി നാടകങ്ങള്‍ തെരഞ്ഞെടുത്തത് ചട്ടങ്ങള്‍ പാലിക്കാതെയെന്ന ആരോപണവുമായി സംവിധായകന്‍ അഭിമന്യു വിനയകുമാര്‍ രംഗത്ത്. കുറത്തി എന്ന തന്റെ നാടകം തെരഞ്ഞെടുക്കാത്തത് ചോദ്യം ചെയ്ത് ഹൈക്കോടതിയെ സമീപിച്ചെന്നും അഭിമന്യു പറഞ്ഞു.തന്റെ പരാതി ഗൗരവമുള്ളതായി കണ്ട കോടതി, തിങ്കളാഴ്ച ഹാജരാകാന്‍ നോട്ടിസ് കൈമാറിയതായും അദ്ദേഹം പറഞ്ഞു.