പരപ്പനങ്ങാടി: സങ്കുചിത രാഷ്ട്രീയ താല്‍പര്യങ്ങള്‍ക്ക് വേണ്ടി മനുഷ്യാവകാശങ്ങളെ ധ്വംസിക്കപ്പെടരുതെന്നും മനുഷ്യനെ ആദരണീയനായി കാണലാണ് പരിഹാരമെന്നും എം.പി അബ്ദുസമദ് സമദാനി പറഞ്ഞു. അന്താരാഷ്ട്ര മനുഷ്യാവകാശ ദിനത്തില്‍ എസ്.കെ.എസ്.എസ്.എഫ് മലപ്പുറം വെസ്റ്റ് ജില്ലാ കമ്മിറ്റി പരപ്പനങ്ങാടിയില്‍ സംഘടിപ്പിച്ച സാംസ്‌കാരിക സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മനുഷ്യത്വത്തിനാണ് വില കല്‍പ്പിക്കേണ്ടതെന്നും മനുഷ്യാവകാശ സംഗമങ്ങളിലും മറ്റും പരിഹാരമാര്‍ഗങ്ങളാണ് ചര്‍ച്ചയാകേണ്ടതെന്നും അദ്ദേഹം കൂട്ടിച്ചേര്‍ത്തു.
പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി അധ്യക്ഷനായി. സയ്യിദ് പി.എസ്.എച്ച് തങ്ങള്‍ (മുസ്‌ലിം ലീഗ്), പി.വി ശബീര്‍ (കോണ്‍ഗ്രസ്), നൗഷാദ് ചെട്ടിപ്പടി, അന്‍വര്‍ സ്വാദിഖ് ഫൈസി താനൂര്‍, സയ്യിദ് യഹ്‌യ തങ്ങള്‍ ജമലുല്ലൈലി, സയ്യിദ് ഹുസൈന്‍ തങ്ങള്‍ ജമലുല്ലൈലി, ശാഫി മാസ്റ്റര്‍ ആട്ടീരി, അനീസ് ഫൈസി മാവണ്ടിയൂര്‍, ഹംസ ദാരിമി കാളികാവ്, സുബൈര്‍ ബാഖവി പാലത്തിങ്ങല്‍, ഇരുമ്പന്‍ അബ്ദുറഹ്മാന്‍ ഫൈസി, മുഹമ്മദലി പുളിക്കല്‍, ശരീഫ് ചുഴലി, അഷ്‌റഫ് മലയില്‍, ശാക്കിര്‍ ഫൈസി കാളാട്, ജലീല്‍ ചാലില്‍കുണ്ട്, ശമീം ദാരിമി സംസാരിച്ചു.